De ladin ons tëut tres la unità didatica « Juesc per plu ucajions » dl IPL. Nëus on scrit su, che l juech ie n maester de vita y che l nes nsënia n grum de cosses de gran mpurtanza per nosta vita.
On nce scrit su ce juesc che fajon tl tëmp liede y ce capaziteies che chisc se damanda da nëus. Se on drët devertì a n fé vel’un te tlas.
Ora de chël ons damandà a nosc nëinesc y a nosta aves, ce juesc che ëi fajova da pitli. N valguni de nosta tlas ie jic tla cësa de paussa a fé vel’ntervista ala vedla jënt.
N grum de vedla jënt ne se lecurdova nia plu ce juesc che la fajova zacan y vel’un nes à cuntà, che l ne pudova nia fé damat da pitl, ajache l messova lauré a cësa. Ti on nce damandà, cun cie che i fajova damat.
N valgun cramaices, che nëus on fat cun bera Carlo Lotti, ova bele nosc nëinesc, canche i fova pitli.

Manuela, Silke, Moritz, Stefanie y Daniel
dla tlas I D