|
|
L luech Fëur ie dlongia l Troi Paian a 1700 m de autëza y nia dalonc dala stazion a mez dla furnadoia de Secëda. Nia da crëier che a chësta autëza pudoven cultivé zeche, ma l luech univa ntlëuta bel mpont laurà dut l ann. Sce n sa chësc, pona vëighen mo al didancuei ulache i vedli ciamps fova. Dl luech fej pert cësa y stala. La cësa ne n'à no porta y no port. Dala ntreda davierta, nëus la tlamessan sën teras, ruven tres na porta te cësa da fuech y te stua.
|
La stua tafleda ie bëndebò da sté saurì: la à n furnel, che vën sciaudà da cësa da fuech ite, n banch da furnel, na gran mëisa chedra, ntëurvia n banch a cianton y n castl. |
|
La cësa da fuech fova auta y zënza ciamin. N ova n fudlé murà bel tamez. |
Ulà durmiva pa la jënt?
Majons ne dajovel degunes, perchël messova duc jì a durmì te tublà. Na baniadoia ne n'ons ënghedenó abinà y nianca n chegadoi. Ëi ova n chegadoi pra tublà. Lavé ju se lavovi cun n poz d'ega y bani unìvel fat povester n iede al ann te n zuber che n purtova te cësa da fuech.
(Nfurmazions da: Rudolph - Greifenberg, Alpine Baukultur in Südtirol, plates 32-33)
|
|
|