N juebia ai 22 de
nuvëmber dala 9.30 à scumencià la festa per 50
ani dla Scola Mesana de Urtijëi.
Ala festa ie ruvedes
adalerch truepa autoriteies, maestri da sën y di ani passei y
sambën duc i sculeies.
L program ie pià via cun na ciantia de ntroduzion purteda
dant dala I C.
Daldò à l diretëur
Dr. Helmuth Senoner tëut la parola. Ël à sambën saludà
l’autoriteies, i genitores y i sculeies che fova jic per prims dan 50 ani
te chësta scola.
El à pona cuntà dla storia dla scola dijan che da for fovel na
scola paritetica y che te si storia ala fat pea n grum de mudazions.
L program je pona jit inant a chësta
maniera:
- teater purtà dant dala II C sun la
scola da zacan;
- pitl bal metù a
jì dala prof. Mara Nogler cun n valgun sculeies;
- ciantia purteda dant dala I
B;
- saluc dla autoriteies -(tló a tëut
la parola l sëurastant dl Cunsëi dla Provinzia Luis Durnwalder y l Ntendënt ladin Dr.
Roland Verra);
- ciantia purteda dant dala I
A;
- teater "N sculé dl 1951 conta...."
cun Rudi da Zaramin y Felix da Bataian;
- video sun la scola - de Ugo
Insam;
- teater "La scola dl daunì" purtà
dant dala II B;
- ciantia di sculeies purteda
dant dala tlas de mujiga, la I D.
Coche n vëij ie l program stat drët
blòt y daulëibon cun mujiga, cianties, pitli referac y l ne n ie nia mancedes
de teles da rì coche i teatri y canche ie tumei ju i pustomes di tituli
sun parëi de paladina.
Ntëur ala 11.30 à
duc pona lascià la gran sala di cungresc cun n gran aplaus
y cun la speranza che chësta scola posse n di o l auter
festejè i 100 ani!