Ntervistes
Nëus on ntervistà n valguna personaliteies che fova ala festa di 50 ani.
On pudù ntervisté l dr. Carlo Willeit che ie l cunselier provinziel ladin: ël nes à cuntà che ël ova messù ji a scola ora de ca ajache tlo ne fovel mo deguna scola mesana. Ël à ënghe nsënià per doi ani tla Val Badia, l ti savova plu bel a jì a scola che a fé l nseniant.
L seniëur Vitalis Delago nes a cuntà che l ti savova da mat bel a jì a scola ence sce l ne fova nia l miëur. Ël ne fova nia jit a scola te chësta scola mesana de Urtijëi ma a Dorf Tirol, ma ël sà da dì che chësta scola ië de gran mpurtanza per Urtijëi.
L Ntendënt dla scoles Dr. Roland Verra nes a dit che a ël ti savovel da mat bel a jì a scola. Ël à nsënia per 8 ani: storia, geografia y tudësch. Te chësta scola iel stat sciche maester y sciche sculé.
Ntervistà ons ënghe l seniëur Diakon y ënghe l diretëur da plu da giut dla scola mesana de Urtijëi dr. Luis Comploj-Purger. Ël nes à cuntà che l ie jit a Maran a scola, ma l ne ti savova nia massa bel ajache l messova se n jì demez da cësa. Ajache l nen fova mo n grum d`autri de Gherdëina iesi mpo mo stai duc a Maran.
Per ultimo ons ënghe mo ntervistà l diretëur dla scola mesana de Urtijëi dr. Hemuth Senoner. Ël ie bele da 25 ani nca diretëur de chësta scola y chësc lëur ti plej dastramb.
HJK
