Ciuni
iepa ti lecorc de canche te foves i primes iedesc sun i
jadins y cun tan de ani es'a scumencià?
Ie
é scumencià a jadiné cun cater ani,
ma ie ne me lecorde nia plu tan avisa.
Ciuna
ie pa stata ti prima vitoria y ciu ti prim saut?
Mi
prima vitoria fova a Prunech, ntlëuta fovi propi
cuntënta, y mi prim saut fova n Axel.
Ciuna
ie pa stata ti majera sodisfazion?
Mi
majera sodisfazion ie stat l 10. Post pra i mondiali a
Washington chëst ann.
Ce
sensazions es'a dan na garejeda?
La
miecia ie ne pensé a nët nia y se
cunzentré.
Ësses'a
mei pensà de ruvé tan inant?
No,
ie ne ësse mei pensà de ruvé tan
inant. Ie rate che uni sportivo spera de arjonjer n tel
suzes, ma l ne n ie mei segur.
Ciun
ie pa ti traguard?
Ie
spere de nia me fé mel y de avëi for
legrëza cun l jadiné y de pudëi
fé inant chësc sport.
Cie
scola fejes'a y ulà pa?
Ie
vede a scola tl lizeum linguistich a Oberstdorf tla
Germania.
Es'a
mei pensà de lascé ? Sce sci, ciuldì
pa?
No,
ne n' é mei pensà de lascé ajache l
me sà tan bel. Canche l stadio dala dlacia de
Urtijëi ie tumà adum ei mpò
pudù jì nzaul de auter a me alené y
chësta ie stata na gran fertuna per
me.