Duta la cinch segonda tlasses dla scola mesana de Urtijëi y nce chëles dla scola mesana de Sëlva à tëut pert ntan l ann de scola 2007/08 al proiet

"L artejanat artistich ncuei,
l artejanat artistich duman"

metù a jì dala Lia Artejanat artistich dl LVH n culaburazion cun la scola d'ert Cademia y la scola prufesciunela.

Te tlas à i nsenianc te deplú materies tratà la soria dl artejanat, la massaria di artejans y l mestier nstës, pona ie la tlasses jites de plu iedesc a vijité artejans te si berstots.

Ntan l'ëures de Educazion artistica à i sculeies dessenià la massaria che l artejan adrova per si lëur.

Tla ëures opzioneles à i sculeies tëut pert a n pitl curs de fotografia.

Tla berstots ai pona pudù mëter ndrova cie che i ova mparà te scola y pultré ju i aspec dl artejanat artistich che ti savova plu nteressanc.