De
plu maestri y maestres à njinià ca i sculeies
dla tlasses de mujiga prima y segonda D dla scola mesana
de Urtijëi per na reprejentazion da Nadel. Nsci à
i mutons y la mutans mparà ite sota la bachëta
dla maestra Donatella Valletta de plu cianties da Nadel
acumpaniedes da strumënc sunei dai sculeies.
Oradechël
iel unì studià ite n valgun pec de teater
per ladin y talian che trata de coche l vën festejà
l Nadel al didancuei, poejes y reflescions talianes y
tudësces metudes n gran pert adum dai sculeies nstësc,
n pez cun dumbries per tudësch y n bel pez muvimentà
per nglëisc.
La sëira dl 22 de dezëmber 2010 à i sculeies
pudù purté dant a si genitores, parënc
y nteressei dut chël che i à mparà
ite l’enes dant te scola.
I
sculeies ie unic nseniei ju dai maestri y la maestres
de rujeneda Bruna Tavella, Carmen Rubatscher, Alessandra
Fabbian, Ivan Senoner y Margot Moroder. Dla lumes y dla
scenografia se à cruzià Guido Senoner, cun
l aiut de Olga Paratoni y Paolina Bisoffi. La bela chertes
de nvit à i sculeies fat deberieda cun la maestra
Elisabeth Thaler. N gra ti va nce ai maestri dla scola
de Mujiga de Urtijëi che se mët for inò
a desposizion canche la va de purté dant velch
che à da nfé cun la mujiga.
