Doi reprejentazions dl teater ie unides fates per i sculeies dla cin prima tlasses dla scola mesana de Urtijëi cun si nsenianc, una per i genitores y parënc di pitli atëures y una per la jënt de tëmp dla cësa de paussa “San Durich” y si cumpaniadëures.

Nce l diretëur Helmut Senoner y l ntendënt Roland Verra fova leprò y à abù paroles de lauda per chësta scumenciadiva.

Di biei chedri se à cruzià i sculeies dla materia opzionela de ublianza “Dessenië y depënjer” cun la nsenianta Ivonne Moroder y n gran aiut cun la lumes y l palch ti ie unì dat ai sculeies dal nseniant Guido Senoner.