Se devertì, ciantan deberieda per ladin
Una dla materies upziuneles de ublianza che vën pitedes chёst ann te nosta scola ie “Se devertì, ciantan deberieda per ladin” cun la nsenianta Laura Ciechi.
L fej pea sculees dla prima y segonda mesana y ciantion cianties da mont, cianties populeres y cianties de dlieja per ladin. Belau for nes cumpanieia nosta nsenianta cun la chitara.
On bele mparà n grum de cianties y canche l fova mo ciaut, jans datrai sun la promenade a cianté. Chёi che passova, se fermova a scuté su y nes fajova aplausc.
Nёus cianton a una y a doi ujes, ma mo plu bel nes sal a cianté vel’ canon per ladin, ulache baton l ritm cun la mans o cun vel’ strumёnt che on te scola. Ala ciantia “Vitamine Cha-cha-cha” ti ons mudà l test, uni grupa coche la ulova y on danz scrit d’uni sort de tesć!
On nce mparà ite na ciantia da Nadel, mesa tla rujeneda di Zulù dl’Africa dl sud y mesa per ladin.
Do la feries da Nadel ciantons la mёssa di sculeies tla scola mesana de Urtijёi: se ncunferton bele!
