L ie bel passà n valgun ani da canche la Lia per l Artejanat Artistich de Gherdëina se à muet de viers dla scola de ublianza.

Udan che for manco jëuni y jëunes zapa ite tla piedies de nosc artejanat, à Helmut Perathoner de Caio tëut su cuntat cun la scola per studië co la mëter a jì che bele i sculeies plu jëuni posse no me udëi, ma purvé nstësc a ziplé tl lën.

Son tla bela situazion de avëi mo scoles y mostri anjeniei a dé inant si savëi y udon che jëuni de dut l mond vën adalerch per pudëi mparé, ma mé puec da tlo scumëncia chësta bela streda. 

Canche la se trata de crì ora n lëur per l daunì pensa nosc mutons a scoles de uni sort y ne tol nia drë n cunscidrazion la bela tradizion che on te Gherdëina dl ert dl ziplé y depënjer.

Sambën che al mumënt iel manco de lëur che dan 20 - 30 ani, ma per na mëndra cumpëida de artejans iel da lëur assé.

Do vel ann che l univa pità cursc de materia opzionela facultativa, iel chëst ann per l segondo iede stat mesun meter a jì, cun l sustëni dl diretëur dla Scola d’Ert de Urtijëi, Karlheinz Mureda y de si nsenianc, n curs ntan l ëures de materia facultativa de ublianza.

L nseniant Guido Senoner à coordinà l'atività a na moda che 15 sculeies à pudù no mé se ziplé na pitla scudela de lën, ma ënghe cunëscer l’autra materies nseniedes tla scola d’ert de Urtijëi.

Guido Senoner