Spartizion dl refudam tla scola mesana 2011

La tlas 2 B à metù a jì da nuef la spartizion dl refudam tla scola mesana de Urtijëi.

 

Nëus on fat ora che te uni tlas dëssa vester n cestin dal papier. Nsci ënghe daujin ala mascin da fé fotocopies, tl'aula di nsenianc, tla tlas de dessëni, tl'aula de tecnica, tl'aula computer y tla bibliotech.
L dëssa vester l duvier di servienc de scola de jeté ora regularmënter l papier.

Mplu ons udù dant te uni piano doi condles per l refudam biologich. Dan la scola uniral metù n gran cuntenidëur ulache i servienc de scola possa smaché ite l refudam biologich. Uni vënderdi passerà pona n camion dl chemun a tò l cumpost.

Sëuraprò ons udù dant n cuntenidëur per l auter refudam (Restmüll) tl'aula di nsenianc, tla tlas de dessëni, tl'aula de tecnica, tl'aula computer, tl secretariat y tla bibliotech.

Te duta la scola dëss-l unì metù a disposizion 5 cuntenidëures per la plastica. Nëus son unic ala conclusion che l ie de gran mpurtanza lavé ora i bostli dal yogurt y de i mëter un tl auter. Nsci ne lëuren nia su i cuntenidëures y n sparania post.

Scumenciamënt: n vënderdi, ai 11 de nuvëmber