1. Tan de ani ëis'a ? Ie é 34 ani. 2. Ëis'a fat na scola aposta per lauré te chësc museum ? Ie é studià al'università de Udine "Conservazione dei beni culturali" y leprò ei laurà per 8 ani d'instà da archeologh y me é spezialisà al'università te chësc ciamp. 3. Tan de ani laurëis'a bele tl museum? Ie son tl Museum Ladin a San Martin da fauré de chëst ann, donca da 9 mënsc. 4. Ve plej pa chësc lëur ? L lëur me plej dassënn, l ie nteressant y n possa vester drët creatifs. 5. Can ie pa unì fat chësc museum ? L museum ie unì metù su coche istituzion tl 1997, ma ntlëuta fovel mé na grupa de persones che laurova ora cie che n dëssa mëter ite te n museum ladin y coche n dëssa l fé. L ciastel fova bele unì fat su tl 1230. 6. Te ce ann ie pa stata la giaurida ? L museum ie unì giaurì al publich ai 24 de juni dl 2001.

7. Chi ve dà pa cuntribuc ? L Museum Ladin ie n museum provinziel. Gran pert di dependënc ie provinziei y i cuntribuc che giapon per la manifestazions, la mostres, cunzerc y n.i. vën dala provinzia. 8. Cie iel pa da udëi tl museum ? Ve feje n pitl riassunt: -geologia -archeologia -storia -storia dl ciastel -artejanat -storia dla rujeneda -turism y economia da paur 9. Cie ie pa de majer valor pra la cosses tenides su tl Ciastel de Tor ? L ie for rie valuté ciun che ie l pez plu mpurtant metù ora te n museum. Danter i pec plu de valor ie dessegur l castl, ulache l ie laite na culezion de chiena, che vën da Gherdëina. 10. Tan de jënt vën pa uni ann a vijité l museum ? Te n ann (24.06.2001-24.06.2002) iel stat 21.118 vijitadëures. 11. Tan de ani à pa la jënt, che vën a vijité l museum? Gran pert di vijitadëures, che vën d'instà, à danter 35 y 65 ani. D'ansciuda y d'autonn ons scialdi scoles. 12. Ce rujeneda rejona pa la majera pert dla jënt ? Tla sajon da d'instà ie la gran pert di vijitadëures de rujeneda taliana (ca.85%). Ora de sajon iel spartì su feter unfat danter ladins y tudësc, mpue manco talians. Uni tant messons nce dé ora vel' audioguida per inglëisc.

de reviers

inant