L diretëur
dla Scola Mesana de Urtijëi dr. Helmut Senoner festejea i 25
ani de servisc
N
sada ai 24 de fauré 2001 ti ova i nsenianc pruibì al
diretëur dr. Helmut Senoner de uní a scola dan la undesc.
Ciuldì pa chësc?
I nsenianc, i sculeies y i genitores ova n gran da fé per njinië
ca na pitla festa per i 25 ani da canche l direrëur fova unì
nciarià. L 1 de merz dl 1976 ovel scumëncià si
servisc tla direzion de nosta scola, davia che l Ntendënt l ova
numinà.
Dala undesc fovela
pona tan inant: nosc diretëur univa saludà cun n aplaus
y cun n maz de 25 rojules, una per uni ann de servisc te nosta scola.
Cun raimli, ntervistes, de teles da ri y cianties à pona i
sculeies cuntà su episodes di 25 ani passei da diretëur
finan via cun audanzes per i ani che l resta mo te scola dan jì
n pension y per la gran mudazions che si lëur fajerà tres
ti proscimi ani.