Bela iela stata, la festa da Nadel dla Scola Mesana de Urtijëi tla Cësa di Ladins a Urtijëi. I sculeies se à mparà ite de bela cianties, dit su poejies, fat pitli teatri y cuntà stories, cun gran talënt y sentimënt.

Fat pea à la prima, segonda y terza D y la segonda A dIa Scola Mesana de Urtijëi, che à nvià ala festa, n mierculdi sëira ai 22 de dezëmber.

L se a trata de na cunlaurazion cun la Scola de Mujiga de Gherdëina.

L di do, n juebia ai 23 de dezëmber ie la festa unida fata mo n iede, chëst’iede per i sculeies. Per l'ucajion iel ncé unì purtà dant pensieres scric dai sculeies nstësc, che desmostra gran maduranza: Danter l’auter se.mbincia i sculeies che n sibe boni de azeté i autri coche i ie, zënza ulëi i mudé, o che n sibe cuntënc de vester sé nstësc y n ne uebe nia vester zachei d'autri.

Nsciuma, na festa penseda, sota, cun i nsenianc che à sapù da mutivé i sculeies, fajan garaté dut ntëur la scumanciadiva, per la legrëza dl diretëur Helmut Senoner, ma dantaldut per la legrëza de duc i genitores, cumpanies, y nteressei unic adalerch n ucajion dla bela festa da Nadel.

de reviers