Pest Label per la Scola Mesana de Urtijëi
11.12.2003: l diretëur Helmut Senoner peia do l pest LABEL a Roma
La Scola Mesana de Urtijëi à venciù l prim pest pra l cuncors Label, metù a jì a livel naziunel dal Ministero dla Istruzion y dala Union Europea.
N juebia ai 11 de dezëmber ie na delegazion dla Scola Mesana de Urtijëi cun l Ntendënt Roland Verra jita a Roma a pië do l pest sëurandat dala Ministra dla Istruzion Letizia Moratti.
La scola à venciù l prim pest LABEL pra la categoria dla scoles mesanes cun n proiet sun l’educazion linguistica ntegreda (l pest ti va ai miëur proiec che vën purtei inant sun la rujenedes). La segonda tlasses (ann de scola 2002/03) ova fat pea l ann passà pra l cuncors „MUSEUM(S)PASS“ per duta la scoles mesanes dla valedes ladines. I sculeies fova ntan chësc proiet jic a vijité i cin museums dla valedes ladines.
Die Mittelschule hat den von Ministerium ausgeschriebenen Wettbewerb LABEL für mehrsprachige Projekte gewonnen.
La Scuola Media di Ortisei ha vinto il Premio LABEL assegnato dal Ministerio della Pubblica Istruzione per progetti plurilinguistici svolti nelle scuole.
 |
