La
esperienzes fates ntan la vijites de istruzion ti museums à pona
i sculeies laurà ora adum cun si nsenianc tla rujenedes ladina,
tudëscia y taliana. Resultat d dut chësc lëur ie stat n
bel cudejel cun ntervistes, pitla nrescides y lecorc de duta chesta raides
ora per la valedes, cudejel che à pona venciù l prim pest.
L IPL (Istitut Pedagogich Ladin) à pona mandà l proiet al
Ministerio.
N
gran cumplimënt va dantaldut ai nsenianc y ai sculeies y a duc chëi
che à judà pea pra l proiet: duc i nsenianc dl team dla
scola, chëi che à ideà y finanzià l proiet,
chëi che à abù la bela idea de lauré ora l proiet
y mandé ite l lëur per fé pea pra l Premio Label.
Na
scumenciadiva che desmostra che canche uni istituzion y uni persona mët
si pert y si mpëni possa l resultat unì garantì y porta
a resultac boniscimi, sciche arjonjer pesc´ a livel naziunel.
L
lëur ie nce unit prejentà tl internet sun l sito dla scola
mesana y ie da pudëi cherdé su cun n tlich sun chësc
link: Museum(s)pass.