|
|
A man ciancia dla capela de S.Ana fovel n iede na dlieja cunsagreda a S.Durich. (La ie unida trata ju l ann 1744). La dlieja fata su tl medemo luech se á mé mantení n valgun dejeneies. Pernanche n á tëut demez l suport ie tumá ite l sussot y ënghe l revëut nuef ova prësc sfëntes periculëuses. Per rejons de segurëza an donca tl 1790 mudá dlieja y ie trapinei te chëla de S.Antone. Tl 1793 ie pona la vedla dlieja unida trata ju.
L vedl urbar dla dlieja de San Durich desmostra, che ntëur l 1450 ti univel garantì ai abitanc de chësc luech almanco trëi dumënies al mëns y la gran festes na santa mëssa. L preve messova unì aposta da S.Crestina, che fova la plu vedla pluania dla val, o da Laion.
|
 Nsci se nmaginons che fova la vedla dlieja de Urtijëi, tamesa la curtina da sën. |
|
