L mulin ie stat una dla prima
nvenzions dla tecnica y cun l passé dl tëmp iel man a man
unì miurà. I mulins da zacan fova a ega. Gran pert dla
populazion de Gherdëina ova n mulin. Chëi che ne ova nia n
mulin se fajova majené ju la blava dai autri che nen ova un.
Te Sëlva fovel n dut 14 mulins, a S.Chrsitina nen fovel 9, a Urtijëi
nen fovel 12 y sa Bula cun Runcadic nen fovel 4.
Uni paur majenova danter
8 y15 dis, aldò dla cuantità dla blava. I graniei univa
blandei su - doi sté cun doi o trëi litri d’ega y
lascei sté decà n di y na nuet. Daldò univa i graniei
metui te n pestin per i stlufé. Ënghe de nuet univel majenà
y l muliné pudova se ponder sun banch da fëur canche l ova
finà. Ti mulins fovel for n grum da cuncé sciche per ejëmpl:
la roda, l tët o vel’ massaria. La moles che univa adurvedes
per majenè univa da Sexten, ënghe da Pontives univel menà
adalerch sasc, ma chëi fova manco dures y per chësta gauja
nia tan adurvei.
Bibliografie: Calënder
de Gherdëina 2000,
La vedla massaria.