Co maioven pa zacan?

Maioven pa la dumënies zech de auter che via per l'ena?
Sci, n maiova zeche de auter, roba da fana, buchtli.

Maioven pa suvënz jopes?
Sci, n maiova suvënz jopes, bele da duman.

Can jiven pa a tò farina dai paures?
D'auton jiven a la tò per dut l ann y nce farina de furmenton.

Maioven pa “pan dala nuef“ o “pitla marënda“? Sce sci, cie pa?
Sci, n maiova pan y buova n got de vin (mé i ëi), l'ëiles buova lat o té.

Per tan de persones messova pa l'oma cujiné?
Per 16 persones, 14 mutons y per pere y l'oma.

Cie maiais'a n di de festa (Nadel, Pasca…)?
N maiova na prata, da Nadel jopa da fuiadines y na liania de Frankfurt leprò.
O che l univa pratà na lëngha de bo y patac y daldò mo tëurta da cuces.

Interview cun Herta Schmalzl, 68 ani, Urtijëi