La produzion de guant lià al marcià rëidl

“L viac lonch de na jeans” ie l titul dl workshop purtà dant dala referëntes dla urganisazion per n mond soziel, Silvia Pitscheider y Marta Larcher. Te chësc workshop se tratela dl viac che fej na jeans metan man cun la produzion dl bambesc y finan n chël mumënt che la jeans ie te butëiga njinieda ca per unì cumpreda da zachei de nëus. Tres na prejentazion power point à i sculeies pudù udëi var per var ciun viac che fej na tel jeans se rendan cont coche l vën marciadà y tan puech rëidlamënter che l vën curides la spëises. I sculeies dla 2.C cun si nsenianta Marina Demetz y chëi dla 2D cun la nseniantes Bruna Tavella y Edith Haspinger ti à cialà a n film drët nteressant sun na fabrich dla Cina ulache l vën fates jeans. Te chësta fabrich iel udù dant che n lëura danter 60 y 70 ëura al’ena davanian mé l 1% dl priesc per chël che la jeans vën ala fin dla finedes venduda. I sculeies nstësc ie unic nviei a lauré ora la tematica realisan te tlas pitli scatch y n pro & contra, se rendan cont che l ie de mpurtanza savëi da ulache vën chël che ulon cumpré y a ce cundizions che l ie unì fat. Simon dla 2.C per ejëmpl ne se rendova dan chësc workshop nia cont che a fé jeans vëniel te cër paejes nce tëut ca culëures che possa gaujé l crëibs. Verena dla medema tlas se à do l workshop tëut dant de nuzé scialdi de plu la butëighes dl “fair trade” y a na maniera particulera jirala tl daunì nce tla butëiga “Terra Eco Fashion” de Persenon a se cumpré guant.

La spartizion dl custimënt de na jeans

La sarturësses che lëura tla fabrich dai jeans (performance tl raion da jì a pé)