L cunviver ntercutlurel

La nsenianta Kathia Nocker à nvià via tla 2.A n workshop ntitulà “Udëi l mond cun d’autri uedli” cun l fin de fé pensé sëura i sculeies sun si identità, sun i pregiudizes che ie tla sozietà n cont de fulestieres y sun la defrënzies che l ie danter na cultura y l’autra.  L workshop, che ie unì realisà n cunlaurazion cun la urganisazion per n mond soziel (OEW), fova partì su te trëi pertes ntituledes  “Nëus son nëus”, “L vën cris jënt dl post” y “Bënunii imigranc". Tres juesc y reflescions à la  referënta Katharina Longariva purtà i sculeies a se dé ju dantaldut cun la maniera de vester y pensé persunela. Te n segondo  mumënt i ala pona purtei a se giaurì de viers dl auter y de n’autra maniera de udëi l mond, n curt de viers de n’autra cultura. L referënt Abdelhuahed El Abchi dl Marocco à pona mo cuntà te tlas de si esperienza persunela de imigrant y dut chësc à purtà i scueleies a se rënder cont che uni persona, unfat sce la ie da tlo o da demez à na si identità y che l ie de gran mpurtanza cunëscer la cultura di autri per na bona cunvivënza.