Mi lava conta:

N maiova: patac y lat, jopa arestida, pulënta, jufa, bales da sanch, papaciuei… I sculeies messova jì a granetës y sce n ruvova pra na siena de ampoms oven na gran legrëza. Pra truepa cëses chersciova lëns da mariles, chëstes univa scialdi scassedes ju y rubedes da sculeies y nsci ënghe i pëires y i mëiles drët eji che chresciova a Urtijëi.

Da cumpré per puech scioldi per i sculeies giatoven corn de bëch.
I paures se n stajova miec che l'autra jënt. Lat, ueves, farina, patac, pan y velch da cërn ne ti manciova nia. La lomes y i sculeies messova jì da paures a hamstern. Sce n ova mpue de scioldi, giatoven for zech.
I americans ti dajova datrai ciculata o gumi da ciaunië.
Truepa roba ne an ntan la viera y mpez do mo nia cunesciù, coche: pomarancen, mandarins, fighes, pomodori, cachi, ua…

Ntan la vieres ova la jënt de Gherdëina drët puech da furnì y da maië.