La spartizion dl refudam

L nseniant Vito Miribung à, adum cun la tlas 2B, tëut tla man de urganisé da nuef la spartizion dl refudam tla scola mesana. Te n prim mumënt à i sculeies giapà truepa nfurmazions sun l argumënt. Te tlas ie pona ruvà l assessëur de chemun Gabriel Moroder da Resciesa che ti à danter l auter cuntà ai sculeies ciuna situazion che l ie al mumënt tl luech n chësc cont. Daldò se à i sculeies fat pensieres sun coche n pudëssa la mëter a jì mo miec tla scola mesana, zënza spënder truep. Davia che i ova mo vel’ dumanda davierta ie i sculeies mo n iede jic te chemun pra l assessëur a se damandé la nfurmazions che ti manciova mo y do avëi rujenà te scola sibes cun la diretëura che cun l personal nia nseninat, ai nstësc laurà ora n cunzet nuef per la spartizion dl refudam te scola. Cun chësta regulamentazion uniral metù man n vënerdi ai 11 de nuvëmber, n chël di che tl luech  pea via l proiet “Nëus se rendon cont”.